Engbino naghari sa Mactan Ultra- Marathon

CEBU, Philippines - Milampos si Desederio Engbino pagdepensa sa iyang titulo, samtang si Rosalinda Cosino maoy gikoronahang rayna sa  Mactan Speed 50 Ultramarathon sa miaging adlaw didto sa dakbayan sa Lapu-Lapu.

Ang 45-anyos nga si Engbino nagpabilin sa iyang trono ug mas paspas siya karon sud sa tulo ka oras, 40 minutos ug 31.31 segundos. Nalandig sa ikaduhang dapit si Paul James Zafico sa oras nga 3:50, samtang si Bayani Alvarez maoy  ikatulo   sa oras nga 4:10:02.

Sa women’s category, si Cosino maoy nag-una sa oras nga 6:13:25. Labaw lamang siya og 33 segundos ni Jurilyn Solis, samtang si Irene Oliveros maoy miokupar sa ikatulong dapit sa oras nga 6:22:53. (BANAT PALARO)