RNM2 misakmit sa kampiyonato

CEBU, Philippines - Milampos ang RNM2 pagsakmit sa titulo sa 1st Contractors Basketball League dihang ilang gipilde ang King Properties, 84-72, sa Game-3  sa miaging gabii didto sa Cebu City Sports Institute  gym sa Barangay San Nicolas.

Ang RNM2 mipakita nga mas gutom sila sa kampiyonato human sila milusad og 19-7 scoring rally sa first period. Gamit ilang balanseng opensa, lima sa ilang mga player ang mirehistro og double-digits. Ang RNM2 mipatigbabaw bisan pa sa 30 puntos ni Marko Vasquez sa King Properties.

Si TJ Pasculado maoy leading scorer sa RNM2 sa iyang 16 puntos, samtang mitampo og otso puntos sa King Properties si James Cabardo.

Ang King Properties   labaw og nuybe puntos sa halftime, 52-61, apan kadto ang katapusang higayon nga nakasikit sila human gidominahan na sa RNM2 ang tibuok second half. (BANAT PALARO)