Aces sa Game 1

CEBU, Philippines - Miresulta dayun ang wala pagduwa ni reigning MVP June Mar Fajardo alang sa San Miguel Beer nga gipukan sa Alaska Aces, 91-100, sa Game 1 sa ilang 'best-of-seven' finals series kagabii didto sa Smart Araneta Coliseum.

Hinuon bisan pa og wala ilang leading scorer ug rebounder, nakapakita gihapon og nindot nga duwa ang Beermen nga milabaw pa sa halftime, 42-38, batok sa Aces.

Miabot pa sa nuybe puntos ang labaw sa San Miguel, 74-65, sa hinapos nga bahin sa third period human wala mapugngi sa Alaska ang scoring nila ni Marcio Lassiter ug Gabby Espinas.

Apan sa hinay-hinay nilang pag-apas, nailog gyud sa Alaska ang labaw tungod usab sa paningkamot nila ni Vic Manuel, Chris Banchero ug Calvin Abueva nga milabni sa labaw, 93-91 sa katapusang dos minutos sa duwa.

Gikan didto nawad-an na sa ilang konsentrasyon ang Beermen og gitugtan nila ang Aces nga makontrolar ang labaw hangtud sa katapusang buzzer.

Si Manuel maoy leading scorer sa Alaska sa iyang 24 puntos, samtang sila si Cyrus Baguio ug Banchero mitampo og 16 ug 15 puntos matag usa.