Slots sa 2016 AWUM hurot na

CEBU, Philippines - Sud lamang sa 30 minutos, nahurot dayon ang slots nga gitagana alang sa 2016 All Women’s Ultra Marathon.

Gumikan kay ang rehistrasyon gihimo pinaagi sa online, daw sa gipapha lamang ang 250 ka luna alang sa mga partisipante. 

Gawas sa mga Sugbuanon, duna sa’y mga out-of-towners nga nagparehistro, matud pa ni Tony Galon, ang founding president sa Cebu Ultramarathoners nga maoy nagpasiugda sa maong karera inabagan sa ThinkTank.

Daghan pa unta ang gustong moapil, apan gilimitahan kini sa mga organizers alang sa ilang kaayohan.

Ang maong makutas nga lumba gikatakda karong Marso 12 sugod sa Il Corso didto sa South Road Properties. Ang lumba adunay gilay-on nga 50 kilometros. (BANAT PALARO)