Star mamawi sunod nga conference

CEBU, Philippines – Walay sama kasakit ang kapildihan nga nasinati sa Star Hotshots sa quarterfinals kay gitagak sila sa Barangay Ginebra San Miguel sa iskor nga 92-89  sa overtime niadtong adlaw sa Pasko.

Labaw og 18 puntos sa third period, ang Star wala kapugong sa bangis nga rally sa Ginebra lakip na ang game-winning triple ni L.A. Tenorio nga mipapas sa ilang damgo nga makuha ang All-Filipino Cup title karon nga season.

Hinuon, bisan pa niini, si Star board governor Rene Pardo malaumon nga makabangon pa ang multi-titled franchise sunod conference diin plano nila nga mokuha og lig-ong import nga mao ang mga kanhi nila reinforcement nga sila si James May ug Denzel Bowles.

Sa iyang bahin, si coach Jason Webb mibasol sa iyang kaugalingon atubangan sa mga prensya atol sa press conference human sa ilang kapildihan.

Si Webb miingon nga wala siya ganahi sa iyang mga gihimong desisyon ug gianugnan siya sa oportunidad nga mapilde unta ang Ginebra ni coach Tim Cone nga mao sab ang coach kaniadto  sa Star. (BANAT NEWS)