Unang PBA playoff sa Blackwater
CEBU, Philippines – Sa pagpangulo sa veteran point-guard nga si Mike Cortez, nakab-ot sa Blackwater Elite ang labing una nilang PBA playoff appearance human nila gibuntog ang Mahindra Enforcers, 108-99, kagahapon sa PBA Philippine Cup didto sa Mall of Asia Arena.
Si Cortez mibomba og 30 puntos ug milangkat og 10 ka rebounds alang sa Elite nga mitagak sa sama nilang expansion team nga Enforcers nga maoy wala pa katilaw og playoff sukad nga misulod sila sa liga niadtong miaging season.
Si Riel Cervantes adunay 24 puntos lakip na ang unom ka tres nga maoy mipatay sa depensa sa Blackwater.
Milabaw og 14 puntos ang Blackwater, 44-30 sa 5:09 sa first half, apan mikunhod ilang labaw pag-abot sa final period dihang nanginit ang Cebuano nga si Aldrech Ramos aron mosikit, 97-102.
Hinuon daling nakaresponde si Cortez ug subling mipaarak og puntos aron ikandado ang daog alang sa Elite.
Si Ramos mipupo og 22 puntos alang sa Mahindra nga uban sa Meralco Bolts nga di kasud sa playoff. — LPM (BANAT NEWS)
- Latest
