Warriors natakasan ang Celtics sa 2OT
BOSTON — Kinailangan ng nagdedepensang Golden State Warriors ang dalawang overtime para manatiling perpekto sa gabing malamya ang naging shooting ng kanilang reigning Most Valuable Player.
Umiskor si Stephen Curry ng 38 points sa kabila ng pinakamasama niyang shooting performance sa season at nagdagdag ng 11 rebounds at 8 assists para pamunuan ang Warriors sa best start na 24-0 matapos talunin ang Boston Celtics, 124-119 sa double overtime.
“Exhausting, but it was fun,” sabi ni Curry. “Obviously, it was nice to get the win. But we had to claw our way to it.”
Isama na ang apat na sunod na panalo sa nakaraang season, may 28-0 karta ngayon ang Golden State sa regular-season at basagin ang kanilang pagkakatabla sa 2012-13 sa Miami Heat para sa second-longest winning streak sa league history.
Ang Los Angeles Lakers ay nagposte ng 33-game winning streak noong 1971-72.
Lalabanan ng Warriors ang Milwaukee Bucks sa Sabado para kumpletuhin ang kanilang seven-game road trip.
Wala pang NBA team na nakapagtala ng 7-0 sa isang single road trip.
“We will definitely cherish this, because it doesn’t happen often,” ani center Andrew Bogut.
Tumipa si Curry ng 9-of-27 fieldgoal shooting na pinakamasama niya matapos noong Game 2 ng kanilang NBA Finals ng Cleveland Cavaliers.
Sa iba pang laro, tinalo ng Indiana Pacers ang Miami Heat, 96-83; binigo ng Cavaliers ang Orlando Magic, 111-76; pinatumba ng Detroit Pistons ang Philadelphia 76ers, 107-95; dinaig ng Toronto Raptors ang Milwaukee Bucks, 990-83; iginupo ng Charlotte Bobcats ang Memphis Grizzlies, 123-99; hiniya ng Denver Nuggets ang Minnesota Timberwolves, 111-108; dinagit ng New Orleans Pelicans ang Washington Wizards, 107-105; tinakasan ng Oklahoma City Thunder ang Utah Jazz, 94-90; ginulat ng San Antonio Spurs ang Los Angeles Lakers, 109-87 at tinalo ng Portland Trail Blazers ang Phoenix Suns, 106-96.
- Latest