Sunday.com gisugdan na

CEBU, Philippines – Nakapaak dayon og daog ang Bulldogs sa duwa nila batok sa defending champion Alitz, 81-70 sa pagsugod sa 2nd edition sa Sunday.com basketball tournament  niadtong Domingo didto sa Mandaue City Cultural and Sports Complex.

Ang Bulldogs nga maoy nagkontrolar sa tibuok duwa gipangulohan ni Blakie Casals nga mihambat og 13 puntos. Daku sab  og natampo sa kadaugan silang Allan Bacus, Tawing Grafe ug Dado Apa Jr. nga parehong mipahit og 11 puntos.

Sila si Rufiel Palabay ug Richie Malahos mikamada’g 18 ug 13 puntos aron sab pangulohan ang Alitz, samtang si Macmac Nadera mitikdol og nuybe puntos.

Sa laing aksiyon, ang Astroboy gisugat sab og daog batok sa Dota, 52-42.

Midaog sab pinaagi sa overtime ang Tomahawk sa higpit nila nga duwa batok sa Mustang, 89-84.

Gipangulohan ni Michael Abrenica ang Astroboy sa iyang game-high 31 puntos. Mitampo sab og 13 puntos si Joseph Palapo aron tabangan ang koponan nga makaipsot sa kulbahinam nga duwa.

Si Edward ‘Wado’ Pepito mao ang nangu sa Mustang nga miratsada og 16 puntos.  Miarangkada sab silang Ray Niez, Jason Genelaso ug Paul Dabon nga adunay 12 puntos matag usa, apan nakawang ang ilang mga paningkamot kay wala nila mapadaog ang Mustang.

Ang liga nga gipasiugdahan sa Sunday.com ubos sa aktibo nilang presidente nga si Tata Nadera, gipaluyohan sa VECO, International Pharmaceuticals, Inc. (IPI), Mandaue City Mayor Jonas Cortes, Vice Mayor Glenn Bercede, Elstone Dabon, Brgy. Capt. Ignacio Cortes, Paul Marie Jao, Emmanuel Matalote, Jun Cavite, Louella Cabanero, Wendell Suico, CML Pension House, Consuelo Mendoza APT, Juliet Balbona ug Dorma Access.

PUNTOS MATAG USA

Unang duwa:

BULLDOGS (81) – Casals 13, Bacus 11, Grafe 11, Apa Jr. 11, Curiba 9, Mosqueda 6, Antigua 6, Nadera 4, Ygot 4, Apa Sr. 2

ALITZ (70) – Palabay 18, Malahos 13, Nadera 9,  G. Antigua 6, D. Antigua 6, Ching 6, Armero 4, Neri 3, Del Castillo 3, Faelnar 2.

Ikaduhang duwa:

ASTROBOY (52) – Latonio 17, Adolfo 14, Tejana 7, Suico 4, Barrentos 4, Carba 2, Capinpin Jr. 2, Lumapas 2.

DOTA (42) – Armodia 9, Mascariñas 6, Saludares 6, Lumapas 4, Paden 4, Antigua 4, Bejasa 4, Lapinid 3, Jacobe 2.

Ikatulong duwa:

TOMAHAWK (89) – Abrenica 31, Palapo 13, Corilla 8, Alaura 8, Joven 7, Zanoria 4, Demape 4, Zafra 3, Dumao 2.

MUSTANG (84) – Pepito 16, Niez 12, Genelaso 12, Dabon 12, Sayson 8, Quiñahan 6, Del Castillo 4, Gulbin 3, Ejares 2.