Gilas 5th placer
CEBU, Philippines – Lima ka mga players sa Batang Gilas ang miiskor og double-digit aron ihatud ang national team sa 89-74 nga kadaugan batok sa Lebanon sa classification stage sa 2015 FIBA Asia U16 championships niadtong miaging gabii didto sa Indonesia.
Si Jonas Tibayan mirehistro og 16 puntos aron pangulohan ang Batang Gilas nga mitapos sa torneyo sa ikalimang dapit. Ang mga Pinoy nakapabor og 16 puntos, 50-34 sa halftime ug gikan didto wala na nila lingia pa ang mga Lebanese.
Ang team captain nga si SJ Belangel mihimo og 13 puntos, Harvey Pagsanjan adunay 13 puntos, samtang sila si Sean Ildefonson ug Gian Mamuyac mitampo og 12 ug 10 puntos matag usa.
Bisan pa sa sakit nilang kaparotan batok sa Japan sa quarterfinals, ang Batang Gilas pabiling mapasigarbohon sa ilang performance ilabi na sa gihimo nilang upset nga kadaugan batok sa China sa preliminary round. (BANAT NEWS)
- Latest
