Batang Gilas daog sa China

CEBU, Philippines - Gipilde sa Batang Gilas  ang three-time champion  China, 78-72 atol sa ilang duwa sa second round sa 2015 FIBA Asia U16 Championship sa miaging gabii didto sa Jakarta, Indonesia.

Ang Batang Gilas nagbitbit na karon og 4-1 nga baraha ug bugtong nakapilde nila mao ang South Korea.  Sila sab ang  koponan nga mipahamtang sa labing unang pilde sa China nga nakahatag kanila og dakung kompiyansa paingon sa quarterfinals.

Sunod harungon sa Batang Gilas mao ang Japan nga nagtangag og 3-2 win-loss record.

Ang Batang Gilas  usa sa mga koponan nga nangandoy’ng mosulod sa top three human sa torneyo nga maoy pasaporte alang sa FIBA U17 World Championship sunod tuig. (BANAT NEWS)