Cebuano junior triathletes modagan sa Hong Kong.

CEBU, Philippines - Modagan na ang mga top junior triathletes sa Sugbo  sa Hong Kong Life ASTC Sprint Triathlon Asian Cup 2015 karong adlawa didto sa Lantau Island, Hong Kong.

Mangulo sa mga Cebuano triathletes mao si Justin Chiongbian, kinsa mopakita’g aksiyon sa men’s elite uban sa top national team triathletes uban nila ni Nikko Huelgas, John Chicano, Jonard Saim, Edward Macalalad, Mark Hosana ug Deo Timbol.

Ang igsuon ni Justin nga si Yuan modagan ubos sa lower division.

Lain pang mga Sugbuanon nga modagan  didto sa Hong Kong mao ang managsuong Ralph Eduard ug Russel So, Issa Priagula, Aaliyah Mataragnon ug Nicole Marie del Rosario.

Sila si Mataragnon ug Del Rosario adunay dakung hagit tungod kay pareho kining walay klarong ensayo  tungod  kay naigo sila og sakit sa katapusang hut-ong sa ilang training camp.