BOC Christmas League sugdan na

CEBU, Philippines – Ang BOC Basketball Club (Bureau of Customs) Christmas League buksan na karon sa alas-6 sa gabii uban ang walo ka koponan diha sa Tinago gym, Cebu City.

Si District Collector sa Bureau of Customs Port of Cebu nga si B/Gen (Ret.) Arnulfo J. Marcus maoy  pinasidunggang dinapit ug mamumulong sa opening ceremonies.

Ang defending champion MDP Customs Brokerage maoy mangu sa walo ka koponan uban sa  Alburo Customs Brokerage, Alin Customs Brokerage, CCBI-Cebu Chapter, CEI Customs Brokerage, Duke Team-SRBC, Kentkyle Cuisine ug Taskforce Gilas.

Giawhag ni BOC Basketball Club president Ryan ‘RB3’ Barral ang tanang mga sakop sa teams sa pagtunga og sayo sa binyu kay adto himuon ang  binunotay alang sa mga teams nga moduwa sa opening day.

Molamas sa opening day mao ang pagpili sa Ms BOC Christmas League 2015 ug best in uniform diin ang modaog makadawat og P5,000 matag usa. (BANAT NEWS)