Boss Apo chessfest karong weekend
CEBU, Philippines - Ang mga Sugbuanong magduduwa og ahedres magtige na usab sa ilang abilidad pinaagi sa 1st Boss Apo Coffee Club Open Chess Tournament karong Oktubre 10-11 didto sa fourth floor sa TGU Tower sa Cebu IT Park, Barangay Apas dakbayan sa Sugbo. Ang duha ka adlaw nga torneyo nga magsubay og 7-round Swiss system format motanyag og kinatibuk-ang P15,000 nga ganting salapi ngadto sa mga mananaog diin ang makampiyon mobulsa og P5,000.
Ang motapos gikan sa ikaduha ngadto sa ikaupat nga dapit makadawat og P3,000, P2,000 ug P1,000, samtang ang malandig sa ikalima hangtod sa ika-10 nga puwesto mobulsa og P500 matag usa.
Ang rehistrasyon nagkantidad og P150 sa kiddies/ladies, P200 sa mga estudyante ug P250 sa mga open players.
Alang sa dugang mga detalye, mahimong mokontak ni FIDE Arbiter Marvin Y. Ruelan sa 0926- 7352951 o 0932-7152411. (BANAT NEWS)
- Latest
