Scegames 2015 opening nagmalampuson, ACGI, laing duha nakapag dayon og daog

CEBU, Philippines - Nagmalampuson ug mabungahon ang pagbukas sa Scega Multi Purpose Cooperative “Scegames 2015” basketball tournament niadtong Miyerkules sa gabii diin tulo ka teams ang nakapag dayon og daog   didto sa Banilad Sports Complex sa A.S. Fortuna, dakbayan sa Mandaue.

Mga kadagkoan sa Scega Multi Purpose Cooperative ang mitambong sa maong   kalihukan  nga gipangulohan sa ilang vice chairman nga si Dir. Aldrin Gabutan, kinsa mihatag sab sa iyang mahinungdanong mensahe ug ang manager nga si Judith Salcedo.

Mitambong sab si Scega Chairman of the Board nga si Zenaida Novabos uban sa iyang mga miyembro nga sila si Dir. Orlando Mondarte, nga mao sab ang league commissioner, Dir. Melchor Atupan ug si Scega marketing officer Jingjing Ermac, kinsa maoy emcee sa maong programa.

Sa laing bahin, mikubkob dayon og daog ang Aboitiz Construction Group, Inc. (ACGI) human makaipsot sa Cebu International School (CIS) sa kulbahinam nilang duwa sa iskor nga 39-37.

Si Herbert Enclomar mao lang ang nakaiskor og double digits sa iyang 13 puntos aron pangulohan ang ACGI.

Ang ACGI biya og sayes puntos, 31-37 sa katapusang dos minutos sa fourth quarter, apan milusad sila og 8-0 run  sa nahabiling 11 segundos aron maangkon ang dos puntos nga kadaugan.

Ang CIS gipangulohan sab ni Orlando ‘Lando’ Mondarte pinaagi sa iyang otso puntos.

Sa laing mga duwa, ang undermanned nga Linde/SIG  gisubhan sab og daog batok sa A2Z Co. sa iskor nga 63-46, samtang daog sab ang misugat sa Aboitizland human ilang gilubong ang Dunkin Donuts, 56-41.

Lima lang ka players sa Linde/SIG ang mipatim-aw sa korte, apan nakahimo gihapon sila sa paglubong sa A2Z Co.

PUNTOS MATAG USA

Unang duwa:

ACGI (39) – Enclomar 13, Pesquera 8, Rayl 8, Arioja 6, Pulvera 4.

CIS (37) – O. Mondarte 8, Ermac 6, A. Catalan 6, J. Catalan 5, Quintayo 4, J.F. Mondarte 4, Aligway 2, Quitay 2.

Ikaduhang duwa:

LINDE/SIG (63) – Llemit 29, Saletrero 17, Flores 7, Luciano 7, Quiroga 3.

A2Z CO. (46) – Tomaquin 10, R. Cahutay 7, Origenes 6, Quijano 6, Amoin 5, R. Cahutay 4, Timtim 4, Codilla 3, Torres 1.

Ikatulong duwa:

ABOITIZLAND (56) – Busa 16, Yu 13, Orozco 9, Cabilino 6, Retuya 4, Libria 4, Lura 4.

DONKIN DONUTS (41) – Senerpida 11, Caballero 5, Lumantas 5, Cabalida 5, Mandaue 4, Abarquez 3, Fuentes 2, Lagpac 2, Congson 2, Toliao 2.