R.A. Essentials mipilde sa San Mig Food Ave
CEBU, Philippines - Gidemolis sa R.A. Essentials/Shaweh ang San Mig Food Ave, 100-76 aron moposte sa ikalima nilang daog sa As-Es B.A.R. 2nd Conference Fiesta Cup 2015 basketball tournament niadtong Septiyembre 3 didto sa Benjamin Solon Memorial Gym sa Cogon Ramos, Cebu City.
Gawas nga nidaog, gibulingan pa gyud sa R.A. Essentials/Shaweh ang baraha sa San Mig Food Ave.
Sa gilauman, si Louie Tanggol mao gihapon ang topscorer sa kadaugan pinaagi sa iyang 21 puntos, gisundan ni Frankie Lastimoso nga adunay 20 puntos.
Abante og 10 puntos ang R.A. Essentials/Shaweh, 27-17 paghuman sa first period ug didto na sila mipahungaw sa ilang kainit sa third quarter human molusad og 38-19 run aron bingaton pag-ayo ang ilang labaw, 79-49 paingon sa final period.
Mipakita sab og maayong labok silang Rex Millan, Samuel Sasing ug Rocky Bacalso nga pulos sab miiskor og double digits. Si Millan mitimbre’g 14 puntos, si Sasing mitikdol og 12 puntos, samtang si Bacalso mihirit og 11 puntos.
Ang San Mig Food Ave gipangulohan ni Amo Stella pinaagi sa iyang 28 puntos, apan nakawang ang iyang mga paningkamot kay napukan ang iyang koponan. Sila si Dexter Galon ug Ivan Cababahay parehong miantog og 13 puntos,
Puntos matag usa
R.A. Essentials/Shaweh (100) – Tanggol 21, Lastimoso 20, Millan 14, Sasing 12, Bacalso 11, Llagas 6, Capoy 5, Zamora 4, Aniñon 3, Godiz 2, Bastida 2.
San Mig Food Ave (76) – Stella 28, Galon 13, Cababahay 13, Torres 4, Arellano 4, Luther2, Cabrera 2, Cabañero 2, Molina 2, Gabutan 2. (BANAT NEWS)
- Latest
