R.A. essentials/shaweh midemolis sa White Castle

CEBU, Philippines - Gipanamastamasan sa R.A. Essentials/Shaweh ang White Castle aron moposte’g makabungog nga kadaugan, 122-90 sa As-Es B.A.R. 2nd Conference Fiesta Cup 2015 niadtong Huwebes didto sa Benjamin Solon Memorial Gym sa Cogon Ramos.

Sa maong kadaugan, ang R.A. Essentials/Shaweh nakig-uban sa San Mig Food Ave. sa unang dapit sa standing sa managsama nilang 4-0 nga baraha.

Lima ka players ang mikulit og double digits sa R.A. Essentials/Shaweh pinangulohan ni kanhi MVP Louie Tanggol, kinsa miantog og 26 puntos. Si Frankie Lastimoso miamot og 20 puntos, si Rex Millan miabuno’g 13 puntos, samtang sila si Rocky Bacalso ug Samuel Sasing parehong miariya’g 12 puntos alang sa ilang koponan nga maoy midiktar sa tibuok duwa.

Ang 1-3 nga White Castle gipangulohan ni Bokloy Malalay sa iyang 17 puntos, gisundan nilang Raul Emnace ug Val Llenes sa ilang 16 ug 12 puntos.

Sa laing aksiyon, ang Boston Warriors mikulit sa ikaduha nilang daog pinaagi sa pagpilde sa As-Es Sportswear, 101-96.

Gipangulohan ni kanhi UC Marines Julius Gastador ang Boston Warriors (2-2) nga mipabuhagay og 34 puntos, samtang sila si Fred Montilla ug Jojo Talas nagkumbinar og 33 puntos.

Si Randyll Roncal mao sab ang nangu sa As-Es Sportswear  (3-3) pinaagi sa iyang 32 puntos. Si Pre Martinez  mitampo’g 16 puntos, si Arnel Aragon mitikdol og 14 puntos ug si Donald Pamisa mitimang og 12 puntos.

Puntos matag usa

Unang duwa:

R.A. Essentials/Shaweh (122) – Tanggol 26, Lastimoso 20, Millan 13, Bacalso 12, Sasing 12, Licanda 9, Zamora 8, Aniñon 5, Godiz 5, Salili 4, Llagas 4, Obcial 2, Sabay 2.

White Castle (90) – Malalay 17, Emnace 16, V. Llenes 12, J. Llenes 8, Resohinto 8, Cartagena 7, Sonsona 6, Lanutan 6, Llanos 6, Rojas 4.

Ikaduhang duwa:

Boston Warriors (101) – Gastador 34, Montilla 21, Talas 12, Fuentes 8, Pardinilla 5, Jaime 4, Yap 4, Arriola 4, Peñas 3, Boston 2, Villarba 2, Jurado 2, Luab 2.

As-Es Sportswear (96) – Roncal 32, Martinez 16, Aragon 14, Pamisa 12, Astudillo 6, Sico 5, Palahang 4, Du 3, Montecillo 2, Magsayo 2. (BANAT NEWS)