'Shaolin' mopakita sa iyang abilidad didto sa Thailand
CEBU, Philippines – Ang batan-ong kickboxing sensation sa Sugbo nga si Ken ‘Shaolin’ Ekin moduwa uban sa Philippine team sa King’s Cup Muay Thai tournament didto sa Thailand sa Agosto 14-20. Si Caniga maoy nangulo sa Team Cebu City nga nahimong overall champion sa Batang Pinoy National Championships sa miaging buwan didto sa Bulacan. Masuwayan siya karon sa iyang pakigsangka sa ubang elite kid kickboxers gikan sa nagkadaiyang dapit sa kalibotan.
Ang double-gold medalist nga si Caniga mobanat sa Wai Khru ug combat sparring event.
“He has trained for more than a month in Manila with the national team and I have been receiving positive feed backs on Ken’s performance in training and sparring,” matud pa sa uyoan ug head coach ni Caniga nga si Master Benigno ‘Ekin’ R. Caniga Jr.
Ang tinun-an sa Abuno Elementary School nga si Caniga nakaplagan sa mga opisyales sa Muay Thai Association of the Philippines atol sa usa ka fight card sa ‘Bakbakan sa Sugbu’, usa ka grassroots program sa Cebu City Sports Commission ubos sa pagpangulo ni Commissioner Edward Hayco. (BANAT NEWS)
- Latest
