USC, UV kampiyon sa ilang dibisyon sa CYBL season 8
CEBU, Philippines – Nagbahin sa duha ka titulo ang University of San Carlos (USC) ug ang University of the Visayas (UV) sa Cebu Youth Basketball League 2015: Season 8 niadtong Lunes didto sa SHS- Ateneo de Cebu Mango Avenue Campus Gym.
Ang USC midaog batok sa UV sa iskor nga 41-34 aron sakmiton ang titulo sa Under 16 Division 1 .
Hinuon, ang UV mibawos dihang ilang gipilde ang USC, 36-26 aron masakmit ang Under 11 title.
Si Neon Chavez maoy topscorer sa kadaugan sa USC sa Under 16 category pinaagi sa iyang 11 puntos, samtang si Joshua Laurente mitampo’g 10 puntos. Sa Under 11 title, midaog ang UV batok sa USC, 36-26.
Sa Under 16 Div. 2 , nasakmit sa St. John Seminary XXIII ang titulo human ilang gipukan ang USC South-A, 60-43 samtang sa Under 18 Division 2. maoy kampiyon ang Colegio Immaculada Concepcion (CIC)-Cebu human ilang gilubong ang Pajo Basketball Club, 35-20. (BANAT NEWS)
- Latest
