2GO/Beryong, UPS Wally subha’g daog

CEBU, Philippines – Gisugat dayon og daog ang 2GO/Beryong ug ang UPS/Wally sa pagsugod sa 2nd season sa Vendredi Ballclub basketball tournament niadtong Huwebes didto sa Garden Bloom Village open court sa Brgy. Pitogo sa lungsod sa Consolacion, Cebu.

Ang 2GO/Beryong wala’y kukaluoy nga milubong sa LBC/Daru, 95-76, samtang ang UPS/Wally milubong sab sa inilog nga team JRS/Lamay, 77-50.

Nakaangkon og dakung partida ang 2GO/Beryong sa ilang duwa gumikan kay lima ra ka players ang miduwa sa LBC/Daru, kinsa nagkapuliki gikan pa lang sa pagsugod sa aksiyon.

Upat sa lima ka players ang miiskor og double figures sa undermanned nga LBC/Daru.

Ang liga natukod pinaagi sa mga paningkamot sa  sa Vendredi Ballclub officers nga naglakip nilang Archie Abrasado, Lamay Burlaos, Gary Rojas, Dave Magen ug Edward Escorial.

Puntos Matag Usa

Unang duwa:

2GO/BERYONG (95) – Tamtam 30, Gary 20, Beryong 12, Allan 10, Ungkok 9, Kennel 8, Magen 6.

LBC/DARU (76) – Popoy 28, Francis 16, Daru 14, Tamak 12, Badok 6.

Ikaduhang duwa:

UPS/WALLY (77) – Bensoy 17, Janken 15, Archie 10, Wally 10, Kyu 8, Kevin 4, Abai 2, Serg 1.

JRS/LAMAY (50) – Marchin 29, Jao 8, Atan 4, Lamay 4, Aris 3, Jhonrex 2. (BANAT NEWS)