Rain or Shine nakaipsot

CEBU, Philippines - Nahilis ang 17 puntos nga labaw sa Rain or Shine Elasto Painters, apan nakahimo gihapon sila sa pag-iskor og daog batok sa GlobalPort Batang Pier, 104-98 sa  2015 PBA Commissioner’s Cup kagabii didto sa Smart Araneta Coliseum.

Daku kaayo’g labaw ang Painters sa third period, 75-58, apan    nahulga sila dihang misikit ang Batang Pier, 77-82 sa katapusang sayes minutos sa duwa. Misikit pa gyud  ang GlobalPort ngadto  sa tres puntos, 88-91 sa basket nilang Terrence Romeo ug import CJ Leslie nga pulos mirehistro’g 29 puntos.

Dali hinuon kining gitubag nilang Paul Lee ug rookie Jonathan Uyloan aron makontrolar pagbalik sa Painters ang duwa. Si Lee maoy topscorer sa Painters sa iyang 29 puntos.