HLY kampeyon sa GDBL first season
CEBU, Philippines – Nakaipsot ang HLY batok sa Perez Trucking sa iskor, 88-82 aron sakmiton ang titulo sa Golden Driblers Basketball League (GDBL) inaugural season kagahapon didto sa Pardo Sports Complex.
Sa sayo pa, midaog ang Aulga Dormitory batok sa Power 40 aron maangkon ang ikatulong pwesto sa iskor, 99-96.
Upat ka players sa HLY ni team owner Flor Yosores ang mibahug og double figures pinangulohan ni Andot Fuentes sa iyang 20 puntos samtang si Opong Zafra maoy nangu sa Perez Trucking sa iyang 21 puntos.
Sa sayo pa, mihagdaw og 22 puntos si Toto Lawas ug midugang pa gyud og 21 puntos si Gaga Cabanilla alang sa Aulga Dormitory kinsa mihimo'g kulbahinam nga kadaugan.
Si Wewe Cabrera maoy nangu sa Power 40 sa iyang 26 puntos samtang laing upat ka teammates ang mibahug sab og double figures.
Si Michael Arias kinsa miiskor og 15 puntos alang sa HLY maoy napiling MVP ug kauban niya sa Mythical Five mao silang Zafra sa Perez Trucking, Eric Espinosa sa HLY, Dodong Espinosa sa Perez Trucking ug Gaga Cabanilla sa Aulga Dormitory.
Ang HLY nakadawat og premyo nga siete mil pesos isip champion, ang Perez Trucking nakadawat og singko mil pesos samtang may tres mil pesos ang Aulga Dormitory.
Ang mga ganting cash hinatag nilang Lando Almpojallas ug Boy Perez sa Perez Trucking, diin maoy nagtunol ngadto sa mga mananaug si barangay captain Althea Lim sa Pardo uban ni commissioner Edwin Dejacto.
Puntos matag usa:
First Game:
Aulga Dormitory (99) — Lawas 22, Cabanilla 21, Fernando 9, Rama 6, Labra 6, Abellana 5, Cainglet 4, Francisco 2, Aulga 2.
Power 40 (96) — Cabrera 26, Vernaiz 17, Abasolo 17, Ozon 12, Cabatas 11, Lim 7, Labalan 5.
Second Game:
HLY (88) — Fuentes 20, Arias 15, Espinosa 14, Ceballos 10, Yosores 8, Cabanero 5, Ledesma 4, Abapo 4, Lastimosa 4, Mosqueda 2.
Perez Trucking (82) — Zafra 21, Belande 14, Ebrado 12, Espinosa 8, Rosito 7, Lim 6, Ocanda 5, Campos 3, Pesquera 2, Dejacto 2. (BANAT NEWS)
- Latest
