NLEX tagak na SAB
CEBU, Philippines - Wala na malugwayi pa sa NLEX Road Warriors ang ilang playoff run human sila gipalagpot sa Alaska Aces, 78-82 sa quarterfinals sa PBA Philippine Cup kagabii didto sa Cuneta Astrodome.
Tungod niini, ang NLEX mouban sa laing duha ka bag-ong koponan sa PBA -- Kia Sorento ug Blackwater Elite nga una nang nanamilit.
Ang Alaska nga nagkupot og “twice-to-beat” advantage mipakita sa ilang ka dominante sa opensa diin milabaw sila, 44-35 sa 1:34 sa second period.
Wala hinuon, magpalupig ang NLEX ug sa pagpangulo ni veteran center Asi Taulava, hinay-hinay silang migukod diin nakan -an nila ang labaw, 58-63 paingon sa final period.
Sikit na ang duwa sukad niadto diin magbinayloay og puntos ang duha ka koponan, apan ang mga krusyal nga tira nila ni Eric Menk ug JV Casio sud sa katapusang dos minutos maoy mikandado sa daog alang sa Alaska.
Si Vic Manuel maoy topscorer sa Aces sa iyang 13 puntos, samtang si Casio adunay 11 puntos. (BANAT PALARO)
- Latest
