Petracorta, Portman sud semis

CEBU, Philippines - Miabante na ngadto sa semifinals ang Customs Portmen ug Rollway-Petracorta Brokers human ilang gipalagpot ang tagsa-tagsa nilang kaatbang sa 3rd  BOC-CIPU Friendship Cup basketball tournament  niadtong Lunes didto sa Barangay Tinago gym, ning dakbayan.
Unang miabante ang Rollway-Petracorta human ilang gilubong ang MCWD, 117-92, samtang ang Portmen ni Customs Police Boodie ‘Parker’ Monteño milubong sab sa CEI ni team owner Wiljohn ‘Sugar’ Camay, 98-78.
Sa maong duwa, si Lyric Into maoy nag-wild sa first quarter alang sa Portmen ug walay nahimo ang CEI bisan pa sa paningkamot sa ilang point guard nga si Wowie Pino ug sa ilang sentro  nga si Philip Muñez.
Si Into maoy nangu sa Portmen, kansang  kadaugan milanat na sa 12-0 human siya moposa’g 21 puntos.
Ang CEI gipangulohan nilang Pino ug Muñez  nga parehong  adunay  tag-19 puntos, samtang ang managsuong Nico ug Tata Laborte nagkumboya’g 28 puntos sa maong kapildihan.
 
Puntos matag usa
  Portmen (98) – Into 21, Monteño 11, Aniñon 11, Cañete 10, Sanguenza 9, Adante 8, Mondin 6, Manulat 5, Gabica 4, Yu 4, Maunes 4, Javellana 2.
  CEI (78) – Pino 19, Muñez 19,  N. Laborte 18, T. Laborte 10, Etorma 5, Amoin 3, Inoc 2, Bacus 2, Tangcalagan 2, Genobiagon 2. (BANAT NEWS)