SBA kampiyon sa SASA Inter-Company
CEBU, Philippines – Nasakmit sa SBA team ang titulo sa Sunrise All-Sports Association (SASA) Inter-Company basketball tournament sa miaging adlaw human ilang gipukan ang TMII sa iskor, 68-64 didto sa SASA open court sa barangay Lahug, ning dakbayan.
Sa sayo pa, naangkon sa Vic Enterprises ang ikatulong pwesto human ilang gipukan ang Metro Bank, 66-60. Ang SBA nakadawat og premyo nga kuwatro mil pesos samtang may dos mil pesos cash nga nadawat ang TMII ug usa ka libo ang nabitbit sa Vic Enterprises.
Matud pa ni Robert Ortega, ang sakop sa tournament committee nga ilang sudgan ang Sinulog Cup karong Disyembre 8 igo-igo sab nga matapos ang ilang Midget tournament.
Ang mihatag sa championship trophy mao si Tatay Billy Gabiana kinsa sakop sab sa tournament committee.
Gipasalamatan sa mga SASA officials ang tanang teams nga misalmot.
Puntos matag usa:
First Game:
SBA (68) —Flores 22, Jhana 19, Abellana 11, James 10, Espinosa 9, Richard 4.
TMII (64) — Asignar 24, Bustillo 19, De Gracia 9, Palileo 8, Diola 4, Cabanero 2.
Second Game:
Vic Enterprises (66)— Joshua 15, Arellano 10, Macasero 8, Escorial 8, Barno 7, Cuyos 6.
Metro Bank (60)— Bonjoc 14, Capao 9, Solis 8, Palos 6, Medina 6, Solis 5. (GGM) (BANAT NEWS)
- Latest
