Mayor Rama nagpauwan og 27 ka 3-point shots

CEBU, Philippines – Mipauwan og 27 ka 3-pointers si Mayor Mike Rama alang sa Mayor’s Office nga midemolis sa Accounting Dept., 105-63 sa nagpadayong Cebu City  Hall Sportsfest 2014 basketball tournament niadtong Miyerkules didto sa Cebu City  Sports Institute  (CCSI) gym sa Barangay San Nicolas, ning siyudad.

Si Mayor Rama adunay kinatibuk-ang 81 puntos alang sa Mayor’s Office nga miposte’g 10 puntos sa first period, 28-18. Didto na miburot og maayo ang labaw sa Mayor’s Office sa third period diin ilang na-outscored ang Accounting Dept.,  27-4  aron molansang og 78-47 nga bentaha paingon sa final quarter.

Gumikan niini, ang Mayor’s Office nagsaulog  na sa ilang sayong kadaugan.

Sila si Sabang ug Cabuguas parehong miiskor og 12 puntos alang sa napildeng Accounting Dept. nga wala gyud makasuway og labaw. (BANAT NEWS)