Garing, pulpogan third sa consolacion caging
CEBU, Philippines - Mipatigbabaw ang barangays Pulpogan ug Garing batok sa ilang tagsa-tagsang kaatbang ug misakmit sa third place trophies sa 2014 Mayor Teresa ‘Nene’ P. Alegado Fiesta Basketball League didto sa Tayud gym sa Consolacion, Cebu.
Ang managsuong Russel ug Rezzan Moneva maoy miulbo’g maayo ug nagkumboya’g 41 puntos alang sa Pulpogan nga mipukan sa Nangka aron mopahiluna sa ikatulong puwesto sa Inter-Barangay Category A.
Si Russel mikadlit og 21 puntos, samtang si Rezzan Moneva mikulit og 20 puntos.
Sa SK division, ang Garing mipilde sa Pulpogan, 79-74 aron maangkon ang third place trophy.
Ang Garing gilubong og 12 puntos paghuman sa third period, 47-59, apan nakabangon kini ug nakahimo pa pagsakmit sa daog pinaagi sa 32-15 run sa final period.
PUNTOS MATAG USA
SK division
Garing (79) – Godinez 25, R. Lacio 13, Alimpoos 13, Manlapaz 10, E. Lacio 8, M. Lacio 6, Cantero 4.
Pulpogan (74) – JC Escalona 28, Suarez 17, Osabel 10, M. Osabel 8, Pestaño 7, Capangpangan 3, Talingting 1.
Inter-Barangay-A
Pulpogan (86) – Ru. Moneva 21, Ra. Moneva 20, Bangcal 15, Gun-ob 12, Amisola 10, Somosot 8
Nangka (81) – Ponce 31, Tebalan 10, Abraham 8, M. Ponce 8, Garcia 6, Ponce 5, Najarro 5, Ramos 4, Canillo 2, De Luna 2. (BANAT PALARO)
- Latest
