Insular Square Titans midaog sab
CEBU, Philippines- Mikulit sa ilang ikatulong daog ang Insular Square Titans aron moabante ngadto sa ikaduhang pwesto sa Group A human ilang gilubong ang Batch 2014 sa iskor, 73-25 kaniadtong Huwebes, Agosto 14 sa nagpadayon nga The Avenir Cup 19th season sa Sacred Heart Ateneo Basketball Athletic Association (SHAABAA) didto sa SHS-AdC Old Campus gym sa dan Gen. Maxilom avenue, ning dakbayan.
Sa laing duwa, gidaro sa Cebu Landmasters ang Beaver Sandals sa iskor, 76-28 alang sa ilang ikaduhang daog sulod sa upat ka duwa.
Sa ikatulo ug kataposang duwa sa Group A, nakaipsot ang Goldberry Iloilo Hotel batok sa RDAK Stallions, 58-54.
Sa Division B, wala gihapoy pilde ang RDAK Transporters sulod sa upat ka duwa human sila maka-eskapo batok sa Echo Appliance center, 35-33 samtang mikulit sa una nilang daog sulod sa upat ka duwa ang White Gold '96 pinaagi sa pagpukan sa Shakey's 94 sa iskor, 53-40. (BANAT NEWS)
- Latest
