Tomoki Kameda nakadepensa sa bakus

CEBU, Philippines - Milampos ang Japanese boxing champion nga si Tomoki Kameda sa pagdepensa sa iyang WBO bantamweight title pinaagi sa TKO batok sa Thai challenger nga si Pungluang Sor Singyu kagahapon didto sa Las Vegas.

Kahinumduman nga si Kameda nahimong world champion human niya mailog ang bakus gikan ni South African Paulos Ambunda niadtong Agosto 1 diha sa Waterfront Cebu City Hotel and Casino.

Sa iyang bahin si Sor Singyu kanhi usab kampiyon human niya mapilde si ALA boxer AJ Banal niadtong tuig 2012 didto sa SM Mall of Asia Arena alang sa WBO title.

Sa laing bahin, sa main-event didto sa Las Vegas, gipilde ni kanhi Mexican champion Saul ‘Canelo’ Alvarez ang Cuban star nga si Erislandy Lara pinaagi sa split decision. (BANAT PALARO)