As-Es BAR 2nd Conference sugdan karon

CEBU, Philippines - Sugdan na karon adlawa ang gikahinamang 2nd Conference sa As-Es BAR  Fiesta Cup 2014 basketball tournament diha sa Benjamin Solon Memorial Gym sa Cogon-Ramos, ning siyudad.

Mopakita dayon sa ilang abilidad ang Chowking ug ang JDU Dried Fish sa pasiunang duwa sa alas-6:45 sa gabii ug sundan sa duwa tali sa Gems ug team Endab sa main game.

Lain pang mga koponan nga mosalmot mao ang 1st conference champion team Bastida (R.A. Essentials) ug team Tancio.

Ang torneyo usa sa mga highlights alang sa tinuig nga kapistahan sa mahal nga patrona sa Cogon-Ramos, ang Inahan sa Kanunay'ng Panabang.

Ang mga opisyales sa As-Es BAR naglakip nilang Adlaon Brgy. Capt. Elvis B. Narra, Reynolds C. Zamora, Richard Regidor, Raul Endab ug Roel Abrio. (BANAT NEWS)