Turiaf bilib ni Julaton

Nagmaya ang NBA veteran nga si Ronny Turiaf sa kalampusan sa iyang suod nga higala na si Fil-American Mixed Martial Arts fighter Ana Julaton sa debut niini sa ONE FC.

Si Turiaf mituyo pag-anhi sa Pilipinas diin miserbisyo siya isip cornerman ni Julaton atol sa kadaugan niini batok ni Egyptian Aya Saber. (LPM)

Khan impresibo sa daog

 Gipakita ni Amir Khan nga usa gyud siya ka title contender sa welterweight division human niya gidominaran ang sangka batok ni knockout artist Luis Collazo kagahapon didto sa Las Vegas.

 Si Khan dugay nang nangayu og kahigayunan nga makigsangka ni Floyd Mayweather og interesado usab siya muhagit ni Manny Pacquiao. (LPM)

Jeffers import sa TnT

 Ang veteran NBA bench player nga si Othyus Jeffers maoy gikuha nga import sa Talk ‘N Text Tropang Texters alang sa PBA Governor’s Cup nga sugdan sa hinapos nga bahin ning buwana.

Ang Texters moduwa pa hinuon sa finals sa Commissioner’s Cup diin nagpaabot sila sa mudaog tali sa Air21 Express ug San Mig Coffee Mixers. (LPM)

McHale di taktakon

 Giklaro sa mga kadagkuan sa Houston Rockets nga dili nila taktakon si Kevin McHale isip coach sa koponan bisan pa sa sayung pagkataktak sa koponan sa playoffs.

Si McHale pakyas paggiya sa Rockets sa second round human gipalagpot sa Portland Trail Blazers ang koponan sa Game-6. (LPM)