PMMS belles reyna ng Petron volley
MANILA, Philippines - Ginamit nina Nao SaÂgawa at Ana Nicole Banas ng Philippine Merchant Marine School ang galing sa pag-serve para talunin sina Aileen Abuel at Regina Tungkol ng La Salle Dasmariñas sa pagtatapos ng second leg ng 2014 Petron Ladies Beach Volleyball Tournament sa sand-courts sa provincial capitol ng Lingayen.
Naisantabi nina Sagawa at Banas ang pagkatalo sa first set nang gumanda ang kanilang serve game tungo sa 18-21, 21-14,15-11, panalo.
Sina Sagawa at Banas ay nakapasok sa championship round sa ligang suportado ng Provincial GoÂvernment ng PangasiÂnan, Governor Amado EsÂpino, 2nd district Congressman Leopoldo Bataoil at Mikasa Balls, nang pataubin ang nagdedepensang kampeon na sina MeÂlanie Carrera at Juvelyn Castillo ng Pangasinan, 21-14, habang sina Abuel at Tungol ay nanaig kina Abigail Escandor at Regina Alanguilan ng UE, 21-17.
Dalawang aces ang pinakawalan ni Sagawa para manalo ang PMMS sa second set at maikasa ang do-or-die game three.
Balikatan ang nangyaÂring labanan at nahawakan pa ng La Salle-Dasma ang 12-11 kalamangan sa placement shot ni Abuel.
Pero naroroon uli si Sagawa na kumana ng drop shot at dalawang aces para ilagay sa unang puwesto ang kanyang koponan.
- Latest
