Jaguars mipahit sa webmasters
CEBU, Philippines - Ang rookie nga si Iron Suano mipasud og 10 ka sunod-sunod nga puntos sa final period alang sa University of San Jose-Recoletos (USJ-R) Jaguars nga mipukan sa University of Cebu (UC) Webmasters, 66-58 sa nagpadayong 1st Mandaue Mayor's Cup Inter-Collegiate and Inter-Barangay basketball tournament niadtong miaging gabii didto sa Mandaue City Cultural and Sports Complex.
Sa sayo pa, gipakuratan sa Southwestern University (SWU) Cobras ang bisitang UAAP team nga National University (NU) Bulldogs aron moiskor og laing daog, 68-66.
Si Suano maoy nangu sa Jaguars nga mikabkab og 14 puntos. Siya sab ang responsabli pagbuak sa 50-all nga panagtabla sa final period. Human molabaw ang Jaguars, wala na kini molingi pa hangtod naangkon ang kadaugan.
Wala makatiwas og duwa ang import sa Jaguars nga si Quentin Luzoladio tungod sa piang sa tuong tikod sa nahabiling tres minutos sa third period. Si Luzoladio miamot lang og 10 puntos.
Ang Webmasters, kinsa mipapas sa ilang 10 puntos nga biya, 16-26 sa wala pa moabante og uno punto sa halftime, 49-48, gipangulohan ni Kenneth Niones nga mibahog og 21 puntos, samtang sila si Arvin Kim Gomez ug Jan Auditor adunay 13 ug 11 puntos matag usa.
PUNTOS MATAG USA
USJ-R (66) – Suano 14, Luzoladio 10, Galvez 10, Bayhonan 8, Catipay 8, Labares 7, Regalado 5, Odulla 3, Sanchez 1.
UC (58) – Niones 21. Gomez 13, Auditor 11, isa 3, Puerto 2, Miranda 1, Roche 1. (BANAT PALARO)
- Latest
