Odom naigo og demalas
Human nakakuha og kahigayunan nga buhion iyang basketball career didto sa Europe, naigo na usab og demalas ang kontrobersyal nga ex-NBA forward nga si Lamar Odom kinsa naigo og back injury.
Si Odom miduwa sa Europa human wala siya kakita og NBA teams nga mopaduwa kaniya karon nga season dihang nahimo siyang free-agent.
Pinoy pakyas sa world title
Wa musalir ang abilidad ni Pinoy challenger Jether Oliva human siya gipilde pinaagi sa split decision ni South African Moruti Mthalane alang sa IBO flyweight title didto sa South Africa.
Si Oliva nahagsa sa record nga 20-2, 10KOs, samtang si Mthalane mipalambo sa iyang record ngadto sa 30-2, 20KOs.
Hendricks bag-ong kampiyon
Ang American wrestler nga si Johnny Hendricks maoy gikoronahan nga bag-ong Ultimate Fighting Championship (UFC) welterweight king human niya gipilde pinaagi sa decision si Robbie Lawler.
Si Hendricks maoy mibanus sa welterweight title nga gibiyaan ni Mixed Martial Arts (MMA) legend George St.Pierre kinsa miretiro na sa maong sports.
- Latest
