CEC mohimo'g tryouts

CEBU, Philippines -  Ang Cebu  Eastern College (CEC) Dragons hinay-hinay na'g panday og mas lig-on nga team pinaagi sa pagpahigayon og tryouts gikan sa Lunes ngadto sa Biyernes sa alas-5 sa hapon hangtod sa alas-7 sa gabii diha sa CEC gym.

 Kabahin kini sa ilang pagpangandam sa umaabot nga mga developmental tournaments, ingon man sa Cebu Schools Athletic Foundation Inc. (CESAFI) regular season.

 Si CEC athletic coordinator John Maraat namahayag nga nagsugod na sila'g pangita og mga player sa tulo ka levels -- juniors, passerelle ug SBP (elementary).

 Pagadumalaon kini ni former PBA cager Mark Tallo, ang training director sa Online Basketball Camp. Si Tallo usa sab sa mga assistant coaches sa Southwestern University (SWU) Cobras.

 Moabag ni Tallo sa tryouts mao si CEC coach Rodmark del Rosario ug sa ginsakopan  niini.

 Alang sa dugang mga kasayoran, mahimong mokontak ni Maraat sa 0915-4294695 o di ba sa 0923-4001318. (BANAT PALARO)