Pimentel, Simple Likes milubong sa ilang kontra

CEBU, Philippines -  Gipanglubong sa Pimentel Brokers ug  Simple Likes Resto Bar ang tagsa-tagsa nilang karibal sa nagpadayong FYA Philip Zafra

Cup 2014 basketball tournament niadtong Lunes sa gabii didto sa Brgy. Tisa gym, ning dakbayan.

 Midaog ang Pimentel Brokers ni team owner Marty Pimentel batok sa BD Law Office, 100-84, samtang ang  Simple Likes Resto

Bar  midaog sab batok sa Harold's Hotel sa usa ka high-scoring game, 130-117.

 Ang maong kadaugan naghatag sa duha ka koponan og 2-1 nga baraha.

 Si Dexter Caballero maoy nangu sa Pimentel nga mipabuhagay og 27 puntos, gisundan ni Ranel Patalita  nga adunay 25 puntos,

samtang  laing duha  nila  ka teammates ang miiskor  sab og double figures.

 Ang BD Law  nga  mitidlum ngadto sa 0-4, gipangulohan ni Baeng Medalle pinaagi sa iyang 23 puntos, si Junrey Arreglo

midugang og 20 puntos. Silang Tata Laborte ug Michael Garcia nagkumboya'g 24 puntos.

 Sa laing bahin, si Lito Mirasol miiskor og 26 puntos aron pangulohan ang Simples Likes. Si Noel Medalle miamot og 24 puntos

lakip ang tulo ka triples. Silang Victor Lastomen ug Ryan Dacayana mitampo'g 14 ug 12 puntos matag usa alang sa Simple Likes.

 Ang Harolds Hotel gipangulohan ni Beking Rollon, kinsa mikulit og career-high 44 puntos, lakip na niini ang lima ka three-

pointers.

 Mitampo sab og 26 puntos si Dandan Enriquez alang sa naparot nga Harold's Hotel.

puntos matag usa

Unang duwa:

 Pimentel (100) - Caballero 27, Palalita 25, Malicay 15, Aglipa 10, Bahina 9, Duran 6, Noquillo 2.

 BD Law (84) -  B. Medalle 23, Arreglo 20, Laborte 14, Garcia 10, Cabañes 5, Abella 4, Cueme 4, Cañete 2, Sabalande 2.

Ikaduhang duwa:

 Simple Likes (130) - Mirasol 26, N. Medalle 24, Lastomen 14, Dacayana 12, Sarsaba 8, Zapanta 8, Abella 6, Baricuatro 6, Caceko 5,

Cabaron 4.

 Harold's Hotel (117) - Rollon 44, Enriquez 26, Lavandero 20, Cal 10, Lopez 9, Haincadto 2, Trinidad 2, Duazo 2. (BANAT NEWS)