BASU sinibak ng Titans
MANILA, Philippines - Nanatiling palaban ang Titans Baseball Club sa 1st PSC Chairman’s Cup Baseball Classic nang pabagsakin ang Bulacan Agricultural State University, 9-4, kahapon sa Rizal Memorial Baseball Stadium.
Sina Xander Razon, Jeff Rodriguez at Bryan Posturnak ay kumunekta para sa Titans na bumaÂngon mula sa 1-11 pagkaÂtalo sa National University noong nakaraang lingo.
Ito naman ang ikalawang pagkatalo ng BASU para mamaalam na sa 16-koponang liga na inorganisa ni PSC chairman Ricardo Garcia.
Nangibabaw naman ang La Salle Zobel sa Throwbacks, 7-3, habang kuminang ang Philippine Air Force sa Dragons, 10-0, sa iba pang mga laro.
Ito ang ikalawang pagkalugmok ng Throwbacks at Dragons para masibak na rin.
Ang Bulacan State University ang kauna-unahang koponan na namaalam na nang tanggapin ang 2-15 pagkatalo sa dating UAAP champion UST noong Sabado.
- Latest
