"IDOL" boxing series giuswag

CEBU, Philippines -  Giuswag  sa ALA Promotions ang ikaduhang edisyon sa "IDOL" boxing series tungod sa grabeng katalagman  dinhi sa Kabisay-an.

 Ipahigayon unta ang  IDOL boxing karong Biyernes didto sa Maasin City gymnasium.

 Si ALA Promotions vice-president Dennis Cañete nagkanayon nga bisan pa'g wala direkta nga maigo ang Maasin City, nakadesisyon sila nga isibog  kini tungod kay mitabang ang siyudad sa pagsagop sa mga refugee gikan sa Eastern Visayas.

 Hinuon, giklaro ni Cañete nga  ang maong fight card nga bidahan ni Albert Pagara (17-0, 12KOs) sa ALA Stable batok ni Indonesian veteran Ruben Manakane (12-11, 8KOs) madayon, apan wala pay petsa. (BANAT NEWS)