Julaton midaog vs Mexican
CEBU, Philippines - Milampos si former WBO/IBA super bantamweight champion Ana "The Hurricane" Julaton sa iyang ‘comeback’ fight human siya midaog pinaagi sa majority decision batok sa Mehikana nga si Perla Hernandez didto sa Mexico.
Sa taho sa fightnews.com, si Julaton mipakita sa iyang katakus ug kaisug dihang iyang gilupig sa puntos si Hernandez bisan pa sa dakung gisi sa iyang tuong kilay tungod sa headbutt sa sixth round.
Human sa napulo ka rounds nga sinukmagay, si Julaton nakakuha og 97-93 ug 98-94 nga iskor gikan sa mga hurado, samtang usa ka judge ang mitabla sa score 95-all.
Sa maong kadaugan, si Julaton mipalambo sa iyang record ngadto sa 12-4, 2 KOs, samtang si Hernandez nahagsa ngadto sa 10-7-3, 2KOs.
Si Julaton madasigon na usab karon nga mamawi og subling makuha ang kahigayunan nga moaway alang sa world title human sa sakit niyang unanimous decision nga kapildehan sa mga kamot ni Mexican-American Celina “The Professional†Salazar niadtong miaging Agosto didto sa Plaza de Toros sa Cancun, Mexico. (BANAT SPORTS)
- Latest
