Mascot sa Denver kuyapan

CEBU, Philippines - Dili tiaw ang kakurat sa gibana-banang kapin sa 19 mil ka fans sa Denver Nuggets nga misaksi sa duwa didto sa Pepsi Center dihang kusog nga hangin maoy hinungdan nga nahulog didto sa salug ang nahisgotang mascot.

Ang Denver maoy host sa Portland Trail Blazers niadtong Biyernes nga maoy labing una nilang home games karon nga season.

Ang Nuggets mascot nga nailhan sa ngan nga Rocky gipaubos ginamit ang pisi nga maoy naandan sa Pepsi Center apan samtang nag-anam na siya'g padulong sa salug sa arena, kalit nakuyapan si Rocky o posibleng hangin maoy nagtukmod  kaniya ug wala na siya molihok samtang didto sa salug.

Sa pagka-tinuod, dili kadto usa ka Halloween prank, dili sab "rope-a-dope goof" apan nakuyapan gyud si Rocky.

Nakuyawan pag-ayo ang mga fans tungod kay wala na maglihok si Rocky  apan human siya susiha sa mga medical personnel, milakaw ra sab siya padung sa gawas sa korte ug wala na siya mobalik hangtod nahuman ang duwa. (BANAT SPORTS)