Elijah Millsap maoy import sa Petron
CEBU, Philippines - Human sa pipila ka buwan nga pagpangita og pipila ka prospect nga mibalibad, nakakita na gyud og import ang Petron Blaze Boosters nga mao si Elijah Millsap ang igsuon ni Utah Jazz power forward Paul Millsap.
Si Millsap maoy mutabang sa kampaniya sa Petron nga tinguhang mamawi sa nagsingabot nga PBA Governors Cup human usab sa pagkapakyas nila pag-abante sa finals sa Commissioners Cup.
Ang 6-foot-6 nga si Millsap miduwa sa Los Angeles Defenders sa NBA D-League diin nag-average kini og 17.2 points ug 5.9 rebounds matag duwa.
"Elijah is versatile, who can play multiple positions on the floor. Excellent defender and comes from a terrific basketball pedigree," matud pa ni San Miguel Corp. sports operation head Noli Eala.
Si Millsap haom sa posisyon nga wingman alang sa Petron uban nila ni Arwind Santos ug Fil-foreign Jason Deutchman.
- Latest
