MAPFRE Insular, DepEd pasiugda'g dagan

CEBU, Philippines -  Human sa ilang malampusong lumba sa miaging tuig, ang MAPFRE Insular uban sa Department of Education

(DepEd) mopahigayon sa ikaduhang edisyon sa ilang "Let's Run for Road Safety" sa Hulyo 28 didto sa  Sumilon Road sa

Cebu Business Park.

 Bukas sa tanang interesadong indibidwal gikan sa nagkadaiyang sektor sa komunidad, ang kalihukan usa ka

inisyatib sa MAPFRE Insular pagdasig sa indibidwal ug mga grupo, lakip na ang mga batan-on sa pagtabang og sabwag

kalabot sa ka importante sa road safety.

 Ang kampanya nag-awhag usab sa tanan sa pagbuhat sa ilang bahin isip responsible drivers ug road users ug

sa samang higayon, awhagon nila ug ang publiko sa pag-promote sa road safety ngadto sa mga higala, pamilya ug

kaubanan aron makatabang pagmenos sa mga aksidente sa kadalanan.

 "Achieving this vision requires shared responsibility where everyone has a role to play in working towards safer

roads," matud pa ni race organizer Neil J. Ceniza.

 Aduna kini registration fee nga P300 alang sa 3K ug 6K categories ug P500 alang sa 12K.

 Ang entry forms makuha sa Runnr ug sa Fitness First sa Ayala Center-Cebu ug sa MAPFRE Insular office nga

nahimutang sud sa Insular Life Building sa Cebu Business Park.

 Dul-an sa P50,000 nga ganting salapi ang giandam alang sa mga mananaog.

 Ang top finishers sa 12K mobulsa og P6,000, ang second  makadawat og P4,000, samtang ang third

makaangkon og P2,000.

 Ang top three finishers sa 6K  run makadawat og P3,000, P2,000 ug P1,000, samtang sa 3K ang top three

makadawat og P1,500, P1,000 ug P500. (BANAT NEWS)