P100T gitagana alang sa Deep Blue Open chessfest

CEBU, Philippines -  Mokabat sa kapin sa P100,000 nga ganting salapi ang giandam alang sa top performers sa Engr. Blass

Hipulan and Deep Blue Open Chess Tournament nga gikatakda sa Hunyo 28-30 didto sa Deep Blue Café nga nahimutang

sa  ikaduhang andana sa SM City-Cebu.

 Ang kampiyon sa tulo ka adlaw nga torneyo ubos sa bendisyon sa National Chess Federation of the

Philippines (NCFP) mobulsa og makabungog nga P40,000 nga tseke, ang ikaduha makadawat og P20,000 ug ang ikatulo

makaangkon og P10,000.

 Ang mopahiluna gikan sa ikaupat hangtod sa ikaunom nga dapit makadawat og P7,000, P5,000 ug P3,000

matag usa, samtang ang ikapito hangtod sa ikanapulo gantihan og P2,000 matag usa.

 Niadtong mokompleto sa top 20 makadawat og consolation prize nga P500 matag usa.

 Ang top performer sa kiddies division makadawat og P2,000, samtang ang ikaduha hangtod sa ikaupat mouli

bitbit ang P1,000, P700 ug P500. Ang ikalima hangtod sa ikanapulo makadawat og P300 matag usa.

 Aduna kini registration fee nga P200 alang sa magduduwa nga nag-edad og 14 anyos ug paubos ug P350

alang sa 15-anyos ug pataas.

 Alang sa dugang mga kasayoran, mahimong mokontak ni FIDE Arbiter Felix Poloyapoy sa 0933-6642958. (BANAT NEWS)