San Marino, Cebu Landmasters ilog sa katapusang luna sa finals

CEBU, Philippines -  Magtakus ang San Marino Tuna/CIT-U Wildcats ug ang Cebu Landmasters/USC Warriors alang sa ikaduhang luna sa finals sa Enervon CESAFI Partner's Cup 2013 basketball tournament karong adlawa didto sa Cebu Coliseum.

 Ang San Marino ug Cebu Landmasters mag-abot sa alas-5:45 sa hapon human sa duwa sa non-bearig game tali sa walay pildeng Prime Asia Lending/UV Green Lancers ug sa Gaisano Capital South/UC Webmasters nga gikatakda sa alas-4 sa hapon.

 Ang San Marino magsalig nilang Joshua de la Cerna, Floyd Taboada, Franklyn Batiquin, Jeffrey Taghoy, Bridrick Brigoli ug John Graf, samtang ang Cebu Landmasters naglaum nga makakuha og solidong opensa gikan nilang Stephen Que, Nico Magat, Ian Ortega, Victor Rabat, Christian Laude ug Charles Pepito.

 Ang modaog sa San Marino-Cebu Landmasters showdown maoy makakuha og katungod nga moharong sa Prime Asia sa "best-of-three" finals nga sugdan sa Huwebes. (BANAT PALARO)