Jaca maglisud ni Perea

 CEBU, Philippines - Seguradong panington og bogbog si ALA fighter Jimrex 'Executioner' Jaca sa laing daku niyang away batok ni

Mexican knockout artist Jose Emilo 'Gigante' Perea  sa "Pinoy Pride XX: Laban Kung Laban" karong Sabado sa gabii

didto sa Waterfront Cebu City Hotel and Casino.

 Sila si Jaca ug Perea mag-ilog sa bakanteng WBO Oriental light welterweight title sa maong fight card nga

bidahan nilang ALA Gym star Jason 'El Niño' Pagara, kinsa modepensa sa iyang bakus batok ni WBO International light

welterweight champion Mexican Aaron 'Jewel' Herrera.

 Si Perea magsilbe nga mopahinumdum ni Jaca sa sakit niyang kapildihan human  ang iyang trainer nga si

Ernesto Salgado Garcia maoy nahimong assistant trainer ni Mexican boxing legend Juan Manuel Marquez atol sa

pagpukan niini sa Filipino boxer pinaagi sa ninth round TKO, pito na ka tuig ang milabay didto sa Texas.

  "I have worked with several Mexican world champions in the past and one of them is Marquez and I am one

of the assistant trainers of Nacho (Beristain) during his fight against Jaca," matud pa sa Mexican trainer atol sa press

conference kagahapon didto sa Allure Hotel and Suites.

 Gipakuratan usab sa 30-anyos nga si Perea ang tibuok Cebu media human niya gibutyag ang tinuoray niyang

rekord nga 29-2, 20KOs record, sukwahi  sa unang gituohan nga 22-2, 14KOs nga gibutang sa boxrec.com.

 Sa laing supporting bout, ang Indonesian super flyweight contender nga si Isack Junior misaad nga iyang

pahamtangan si WBO Asia-Pacific super bantamweight champion Genesis 'Azukal' Servania sa labing una niyang pilde.

 Ang tanang protagonista sa "Pinoy Pride XX" mag-abot sa labing unang higayon karong udto   sa final press

conference didto sa Aegean Room sa Waterfront- Cebu City Hotel and Casino.  (BANAT BALITA)