Lion Tiger mipilde sa Gaisano Capital

CEBU, Philippines - Si Joseph Sedurifa maoy miduslit sa mainitong rally sa final period aron pangulohan ang Lion Tiger/USPF Panthers ngadto sa 72-69 nga upset sa Gaisano Capital South/UC  Webmasters sa second round sa Enervon CESAFI Partner's Cup 2013 basketball tournament niadtong Martes sa gabii didto sa  Cebu Coliseum.

Sa laing bahin, ang walay pildeng Prime Asia Lending/UV Lancers ug ang Cebu Landmasters/USC Warriors mobiyahe ngadto sa amihanang Sugbu sa San Remigio alang sa "out-of-town" game karong gabii.

Laraw sa Prime Asia nga moinat sa ilang nagkadinang daog ngadto sa siyam ka duwa batok sa second-ranked Cebu Landmasters nga nagbitbit og 5-3 nga baraha.

Si Sedurifa,  kinsa mikulit og game-high 25 puntos, nanginit sa fourth period diin iyang gitabangan ang iyang koponan pagkontrolar sa duwa uban ang iyang kasinatian.

Daku sab og natabang si Art Camello dihang mitusak siya og  go-ahead basket aron molabaw pagbalik ang Lion Tiger, 69-67 sa katapusang 34 segundos sa duwa.

Human masud ang usa sa duha ka free throws ni Matt Batucan alang sa 70-67 nga bentaha sa Lion Tiger sa katapusang 18 segundos, ang Cameroonian recruit nga si Arnud Noah daling misukli og puntos aron mosikit, 69-70 sa

nahabiling 15 segundos.

Mahatod unta ni Noah ang duwa ngadto sa overtime human si Lawrence Escanilla igo lang mipasud og usa ka foul throw alang sa Lion Tiger, 71-69, apan ang iyang undergoal stab wala masulod.

Ang split charities ni Sedurifa maoy nagselyo sa kadaugan sa Lion Tiger, kinsa nagtangag og 3-6 nga baraha.

Silang Noah ug Gerald Ampoon miiskor og 11 ug 10 puntos  matag usa alang sa Gaisano Capital nga kasamtangang nahimutang sa ikatulo sa standing uban ang 5-4 win-loss record.

Ang double round elimination matapos unya sa Sabado uban ang tulo ka duwa diha sa Cebu Coliseum. (BANAT NEWS)