2-0 tuyo sa Petracorta, MacNels

 CEBU, Philippines - Tinguha sa Petracorta Brokers ug  MacNels Brokers nga moposte og 2-0  sa ilang duwa batok sa tagsa-tagsa nilang kaatbang sa pagpadayon sa 2nd Cebu International  Port  Users  (CIPU) basketball  tournament   karong adlawa didto sa Cogon-Ramos gym, ning dakbayan.

 Ang Petracorta makigtakus batok sa Avenido Brokers sa alas-12:30 sa hapon, sundan sa duwa tali sa Ynah Brokers  nilang team owners Edwin Carmen ug Lourdes Baybayon batok sa Canillas Customs Brokers. Ang Ynah ug Canillas parehong nagbitbit og 1-1 nga baraha.

 Sa main game, ang MacNels makigsangka batok sa 0-1 nga Alin Brokers sa alas-3 sa hapon.