Albert Surplus nagmangtas
CEBU, Philippines - Gipakgang sa Albert Surplus ang sagunsong lima ka daog sa Chamber of Customs Brokers Inc. (CCBI)
human moiskor og 89-85 nga kadaugan sa HoopStars Corporate League niadtong Martes sa gabii didto sa J Centre
Mall rooftop gym sa A.S. Fortuna St., Mandaue City.
Sa maong kadaugan, ang Albert Surplus kasamtangang nag-una sa standing sa Group B sa ilang 6-0 nga
baraha.
May katarungan nga mapilde ang CCBI tungod kay siyam lang ka players ang miduwa. Duha sa ilang sinaligan
nga silang Kenneth Kernn Sesante ug Ramil Aniñon wala moduwa.
Sikit ang duwa halos sa kinatibuk-ang 40 minutos, apan gisalbar ni kanhi CIT Wildcats pointguard Karen Rick
dela Cerna ang Albert Surplus dihang mihimo siya’g back-to-back triples sa daginutong oras nga maoy nahimong yawi sa
ilang kadaugan.
Lima sa unom ka players sa Albert Surplus ang miiskor og double figures nga naglakip kang Dela Cerna, kinsa
mipabuto og 22 puntos.
Ang 5-1 nga CCBI gipangulohan ni Daniel Enriquez pinaagi sa iyang 28 puntos. Sila Baeng Medalle ug Tata
Laborte miamot og 14 puntos matag usa, samtang si Francis Palero mitikdol og 10 puntos
PUNTOS MATAG USA
Albert Surplus (89) - Crodua 23, Dela Cerna 22, Canete 19, Caballero 12, Punla 11, Angcay 2
CCBI (85) - Enriquez 28, . Medalle 14, Laborte 14, Palero 10, Abellana 8, Elloren 4, Moral 3, N. Medalle 2, Villaronza 2 (BANAT NEWS)
- Latest