CEC misakmit duha ka titulo sa Online caging

CEBU, Philippines -  Ang Cebu Eastern College (CEC)  Dragons misakmit og duha ka titulo sa Omega Pro and Casino Active-

backed Online Cup Developmental Basketball Tournament niadtong  Domingo didto sa CEC gym.

 Dili hinuon sayon ang kadaugan sa Dragons kay miagi pa kini og makutas nga duwa batok sa PPCBA

Selection, 61-60 aron masakmit ang titulo sa 12-Under division.

 Kuwatro puntos lang ang labaw sa halftime, 33-29, apan sila Melino Casio, Leopoldo ug Tecson mipasiugda'g

mainitong rally sa third quarter aron hatagan ang CEC sa ilang labing dakung labaw nga 14 puntos.

 Mibawos ang PPCBA sa nanghinapos nga bahin sa final period aron mahilis ang labaw ug gani nailog pa ang

momentum, 58-57 luyo sa mga paningkamot nilang Longakit, Canasa ug Magan sa katapusang 1:20 sa duwa.

 Hinuon, sila si Tecson ug Pada mipasud sa ilang mahinungdanong mga tira aron baswaton ang CEC ngadto sa

makutas nga kadaugan.

 Si Casio maoy topscorer sa CEC sa iyang 15 puntos, apan ang iyang pirmanenting duwa sa kinatibuk-ang

dagan sa torneyo maoy nagtuboy kaniya aron ilhong MVP.

 Dobleng kadaugan ang naangkon ni coach Rodmark del Rosario dihang ang CEC mibuntog sa Thumb-Ups

nga kasagaran gibitoonan gikan sa mga magduduwa sa CIT-U Wildkittens, 74-69 aron maghari sa juniors division.

 Si Edmundo Bayhonan mipabuto og 21 puntos alang sa CEC Junior Dragons nga igo na kaayo kaniya aron

mapiling regular season MVP.

Puntos matag usa

(12-under class)

 CEC (61) - Casio M. 15 Loepoldo 11 Tapic 10, Tecson 8, Baruc 4, Pada 4, Casio L. 3, Corona 2, Gaviola

2

 PPCBA (60) - Longakit 18, Canasa 13, Magan 11, Tabar 5, Baric 3, Belarmino 2, Padigos 2, Eccasinas 2,

Zabate 2

(Juniors division)

 CEC-Online (74) - Bayhonan 21, Saavedra 19, Alviso 10, Zosa 8, Bacho 5, Berdera 4, Legaspi 3, Tallo 2,

Mangyao 2

 Thumbs-Up (60) - Singson 24, Jabines 13, Suson 5, Patindol 4, Caminse 4, Alarcon 3, Tabada 3, Patrimonio

2, Empleo 2 (BANAT NEWS)