Captivating Camotes Triathlon sa Pebrero 10

 CEBU, Philippines - Dili momenos 20 ka Japanese triathletes ang mosalmot sa "Captivating Camotes Triathlon" sa Pebrero 10.

 Manukad kini sa Santiago Bay paingon sa Danao Lake Nature Park sa San Francisco, isla sa Camotes.

 Ang kalihukan gipasiugdahan ni Cebu Fifth District Rep. Red Durano ug kanhi Danao City councilor Oscar 'Boying' Rodriguez Jr.

 Ang Japanese nationals buot pa mo-explore sa Cebu human  sa ilang pagsalmot sa Ironman Philippines sa

miaging tuig didto sa Shangri-la Hotel sa Lapu-Lapu City.

 Mga seasoned ug fast-rising triathletes gilauman usab nga mosalmot sa lumba nga gibahin-bahin sa nagkalain-laing age categories ug duha ka mga distansiya.

 Ang unang 20 local triathletes nga makaparehistro makadawat og libreng accommodation ug boat fare.

 Ang registration fee nagkantidad og P500 lakip na niini ang swim cap, finisher's t-shirt, medal, certificate ug lunch atol sa awarding ceremony.

 Mahimong magparehistro sa Runnr sa Ayala Center-Cebu ug sa Rudy Project sa SM City-Cebu ug sa Ayala.

 Ang top three finishers sa middle distance makadawat og ganting salapi, samtang ang fourth hangtod sa 10^th placers makadawat og Japan-made tri-suit kortesiya sa Goodwill  Tours Limited of Japan.

 Ang overall champion sa standard distance makadawat og Rudy Project watch. Ang second placer mobitbit og Rudy Project sunglasses ug ang third placer makadala og Rudy Project bag.

 Ang tanang finishers makadawat og souvenir t-shirt, medals ug certificates, samtang Ironman items ang ripahon atol sa awarding ceremony sa maong kalihukan nga gipaluyohan usab ni acting Governor Agnes Magpale, Congressman Ramon 'Red' Durano VI, Provincial Board Members Miguel Magpale, Jude Durano Sybico ug Carmen Remedios Durano-Meca, San Francisco Mayor Ali Arquillano, Goodwill Tours Limited of Japan, Mario Lua sa Jomalia Shipping, ug

Mangodlong Paradise Beach Resort, Jens Funk sa Rudy Project ug Jay Aldeguer sa Island Souvenir. (BANAT SPORTS)