Solid Stone daog dayon sa LLSC Fiesta Conference

CEBU, Philippines - Gibunyagan og daog ang Solid Stone sa pagsugod sa Lapu-Lapu Sports Club (LLSC) Fiesta Conference basketball

tournament niadtong Domingo sa gabii didto sa Agus gym, Lapu-Lapu City.

 Ang Solid Stone mitamparos sa J&B Aries Loan Corp. sa iskor nga 86-74 ubos sa pagpangulo ni Joel

Encallado, kinsa mipabuhagay og 24 puntos.

 Si Nilo Bentain mitimang og 14 puntos alang saSolid Stone nga nakabangon human malubong og 13 puntos

sa first quarter, 17-30.

Napahakan ang dakung labaw ug mihiyos kini ngadto sa uno punto sa halftime, 40-41 dayong ilog sa

momentum sa third period sa pagtambayayong nilang Encallado, Bentain uban nilang Duran ug Jorge Dayak.

 Sukad niadto, nagmabinantayon na ang SolidStone ug wala na kini mohatag pa'g higayon sa J&B Aries Loan

Corp. nga makagukod hangtod nahurot ang oras sa ilang duwa.

 Ang naparot nga J&B Aries Loan Corp. gipangulohan ni Jimboy Enriquez pinaagi sa iyang 23 puntos, gisundan

ni Dennis Inot nga adunay 13 puntos ug Pompy Ngujo sa iyang12 puntos.

 Sa laing aksiyon, gisubhan sab og daog ang AJY Bong ni team owner Alan Yu batok sa YBA sa iskor nga 81

-75.

 Si Allan Yu maoy topscorer sa maong kadaugan nga miariya og 20 puntos, samtang si V. Intoy mao sab ang

nangu sa YBA sa iyang 14 puntos.

 Ang LLSC Fiesta Conference gipaluyohan ni Lapu-Lapu City councilor Don Harry Radaza,Rolly dela Pieza,

Allan Yu ug sa JB Sportswear ni Billy Nadado.

PUNTOS MATAG USA

 SOLID STONE (86) - Encallado 24, Bentain 14, Duran 12, Dayak 9, Godinez 8, Cañete 6, Bascon 6, Basea

5, Genolos 2, Gimena 2, Kiskisan 2, Celez 2

 J&B ARIES (74) - Enriquez 23, D. Inot 13, Ngujo 12, Catagcatag 8, Temporada 7, Francisco 4, Waray 4, R. Inot 2 (BANAT NEWS)